Ομολογία

Σεμνοι δε αγγελοι εν ουρανω τον επινικιον υμνον αδουσι, συν σεραφειμ και χερουβειμ την Τριαδα  ομοδοξως και ομοστοιχως και ομοουσιως δοξαζοντες και λεγοντες το, Αγιος, Αγιος, Αγιος, τρεις φωνας αποτελουντες , εν ενοτητι δε λεγοντες, και ου πολυωνυμως.

Ου γαρ λεγουσιν Αγιος τεταρτον, ινα μη προσθωσι τη της Τριαδος ονομασια. ου λεγουσι δις το Αγιος, ινα μη ελλιπης ειη η δοξα της τελειοτητος. αλλα τρις, ινα Πατερα και Υιον και Αγιον Πνευμα εν τη αυτη τιμη αγιασωσι. Και ου λεγουσιν. Αγιος και ημιαγιος, αλλ ισως λεγουσι το, Αγιος μια φωνη και ενι λογω και μια τελειοτητι, Τριαδα δοξαζοντες ομου εν ενοτητι, και ενοτητα εν Τριαδι. Ταυτην γαρ την γνωσιν ηλθεν ο Μονογενης του Θεου ημας διδαξει. ταυτην την συνεσιν ημιν εκηρυξε το αγιον Πνευμα. ταυτην την τελειοτητα απεκαλυψεν υμιν ο Πατηρ. εν αληθεια ταυτην την ζωην ημιν εχαρισατο ημιν σαρκωθεις ο Λογος. ταυτην την οικοδομην ωκοδομησεν ημιν το αγιον Πνευμα. ει τις γαρ εποικοδομει επι τον θεμελιον τουτον χρυσιον, αργυρον, λιθους τιμιους. θεμελιον γαρ αλλον ουδεις δυναται θειναι παρα τον κειμενον, ος εστιν Ιησους Χριστος, ο Υιος του Θεου, ου εσμεν οικοδομη και ου εσμεν γεωργιον, οικοδομηθεντες επι τον θεμελιον προφητων και αποστολων του ειδεναι την ημων οικοδομην, στερεαν ουσαν εν αληθεια και τον ημων θεμελιον αει οντα και μη αρξαμενον του ειναι.

Αλλ ουκ εν πασιν η γνωσις κατα τον αποστολικον λογον, αλλ εν τοις καταξιωθεισι Πνευματι αγιω τα της αληθειας ειδεναι μυστηρια. Αυτοις γαρ ο αποκαλυψας εαυτον και τον εαυτου Πατερα και το αγιον Πνευμα, επιμεμφομενος τινας των εν αγνωσια ελεγεν. Ουκ οιδατε τας Γραφας, ουδε την δυναμιν αυτων. και παλιν  αλλαχοθι. Ο εχων ωτα ακουειν, ακουετω. και παλιν. Ει ηδεις τις εστιν ο ζητων παρα σου πιειν, συ αν ητησας, τη Σαμαριτιδι ελεγε. και παλιν. Ουκ οιδατε οιου πνευματος εστε. Αρα ουν η γνωσις ουκ εν πασι. χαρισματα  γαρ εχει εκ Θεου διαφορα και φησιν ο αγιος λογος. Ω διδοται περισσοτερον, περισσοτερον απαιτησουσιν αυτον. ως τινων μεν λαμβανοντων βραχυ, τινων δε ουδ ολως, αλλων δε περισσοτερως ειληφοτων.

P.G.43,64.  Αγιος Επιφανιος Κυπρου